古味坊 (已結業)

最钟意食古早味蛋糕，口感够松软，湿润，蛋香够重。今日去咗元朗玩，见到有间新开嘅古早味蛋糕店，仲有双色蛋糕可以拣，谂住试多间睇下边一间做得出色啲☺️ 最后因为拣咗好耐都拣唔到要边款，所以就要咗一个原味 ($50)，抹茶($60)同埋黑白配蛋糕($65）咁入边就系原味同埋黑糖味蛋糕～ 买咗蛋糕之后，为咗可以一次过试晒啲味道，所以就当晚餐食🤣 蛋糕食落又真系几松软冇令我失望🤣但系个人系呢间都系钟意原味多啲！