低調高手大街小食

营业中

休息中

系筲箕湾食完晚餐之后，当然要去东大街朝圣啦，顺便用甜品为快乐既一天作结~ 而今次既甜品正正系代表住香港街头美食文化既《格仔饼》！当然，去到筲箕湾又讲到格仔饼，一定系去《低调高手》啦！一间舖仔入面企成6，7个人，仲要系门口贴告示表示急聘店员，就只系为左整鸡蛋仔同格仔饼，可想而知佢既受欢迎程度有几高！首先，要赞一赞店员既贴心先。赖生同屈小姐已经食完Dinner有D饱意，实在不能1人食1块，所以我地2个人Share食1块，店员有见及此，主动问我地驶唔驶切开1半，咁梗系好啦，最后送到我地手既格仔饼除左切半，更加系分左2袋，好难得佢唔加钱都主动比多个袋其次要赞下佢地个销售系统，佢地用电脑出飞，写清楚客人既要求，例如走砂糖，走牛油同切半等等，让人一目了然，漏左野可以即时同店员跟进番，而且佢用营幕及广播系统提示客人可以拎食物，好清楚！1）格仔饼：⭐️⭐️⭐️⭐️⭐️上次试过鸡蛋仔，今次要试格仔饼，佢预先帮我地切好左一半，非常贴心呀！呢个格仔饼果然系高手既作品 外层好脆，咬落卡卡声响，脆皮位大约有2mm厚，而内层松软，成1cm厚，咬开蛋香四溢，仲烟烟unun，加上毫不吝啬既酱料，内层每格都沾满酱，啖啖都咁滋味！