影片
更多
2021-07-19
388 浏览
因为赶住返屋企继续开工，喺返屋企途中用Foodpanda 落order 买锅贴套餐，拣咗10只招牌锅贴，泡菜，花枝丸汤同冻豆浆。到步同大细眼收银阿姐讲系拎网上order, 恶梦就开始。个阿姐大大声话我无拣锅贴，问我系要咩(问得即系比我啦，唔系问我要咩锅贴做咩？)我咪答招牌10只，跟住就再闹话我无拣可以唔比我，好彩我亲身嚟 拎，咪送货系唔会比。我谂住好心话佢知我系有拣，唔系比唔到钱(有用过foodpanda嘅人都知拣唔齐嘢去唔到比钱个画面)，跟住佢又闹话唔会理foodpanda点，呢家张单无可以唔比锅贴我。咁我就同佢讲话锅贴可以唔要，我亦会同foodpanda讲返，不过叫佢态度好啲，同埋佢都可以同foodpanda讲返有问题，个阿姐就再闹话唔会同foodpanda讲(咁佢哋做咩join人哋个app?), 系我无拣，系我拣得唔好！最后有个态度好些少嘅店员嚟调停，我亦表示可以唔要𠮶10只锅贴，唔想要10只锅贴系咁比人闹，𠮶个哥哥仔亦话唔好意思叫我同foodpanda讲返。大佬，唔系贪快真系唔想食你啰，嘢又唔系好食，仲要无啦啦系咁比人闹，foodpanda有bug唔奇，但唔好比锅贴我又要闹我呀
张贴