老川皇

营业中

休息中

以前耐唔耐过深圳都会食下川菜, 反而喺香港就无乜点食过，心血来潮就揾咗呢间位于旺角嘅川菜店-老川皇我地无订台，放工7点半去到门口见到一大班人, 心谂唔系要等位挂… 好彩都好快有台。好耐无食过川菜嘅我表示满怀期待 🤩 由于我地得2个人，所以只系叫左泡椒鸡肾，辣子软壳蟹，炒窝荀丝同重庆酸辣粉4样。🥢 泡椒鸡肾虽然只系$28，但份量都几足够，鸡肾爽脆带微辣。🥢 窝荀丝非常清甜，作前菜很不错🥢酸辣粉醋味比较重，但酸同麻辣调味恰到好处，粉弹牙唔韧吸汁🥢辣子软壳蟹全晚最钟意依道菜！入口松脆带些少麻辣，好似食紧天妇罗咁，食唔停口想再encore。呢间川菜味道不俗价钱又ok。如果想念川菜都系一个唔错嘅选择。