Infinity Workshop Cafe (已結業)

今日落超级大雨，约左朋友来到登打士广场的Infinity Workshop Café，记得之前有一次想黎食晚餐，但因为无book枱又full house左，所以无得食，今日下午黎，人唔算太多，可以坐耐少少，顺便避一避雨。5楼全层都系，一出电梯就见到好优雅的门面，而我地亦都被安排坐左在窗口面，餐厅人唔太多，店员都只有3个，又要下单又要烹调又要传菜又要结账又要执枱，忙得很，但一见我地挥手，就立即示意，服务态度好好。因为好肚饿的关系，我地叫左两客小食，两客意粉同2杯饮品。所有食物都系即叫即煮，餐牌上都写明要等20分钟，所以会不时听到 “DUDU”声，食物便上枱了，够哂热。小食我地叫左蜜糖鸡翼同黑松露芝士带子焗啡菇，蜜糖鸡翼份量多，系单骨的，食落方便，鸡翼炸得脆，有蜜糖在面，唔觉得热气。黑松露芝士带子焗啡菇，超有惊喜，啡菇好大好厚身，烤得好香，够juicy，配上黑松露芝士，好惹味，而带子都好鲜甜。主食就叫左黑松露油炒鲜带子虎虾意粉，非常足料，有3只带子一只虾。意粉非常香，有少少油润及浓郁的黑松露香。带子鲜甜多汁，虎虾大而甜，意粉软硬度适中，有用埋蘑菇炒，口感好好。而忌廉明太子三文鱼意粉好靓，好