Explore Kitchen (已結業)

话说，我一个脚短同事难得地生长左对脚，紧系要出远少少嘅地方食好西啦！呢间Explore Kitchen 之前同老公食过一次，可能佢地岩岩新开冇耐啦，啲野食系唔错，但服务态度真系麻麻，所以一直都唔敢食第二次。但系呢排啲抵食扒嘅餐厅执得一间少一间... 冇计...又想带我同事去食好少少，咁唯有俾多次机会佢啦咦！入到餐厅，个阿姨都算好态度，加上多左两个后生帮手楼面，即刻好好多咁😂 我地都系照叫左扒据，$68真系几抵食，仲要系好食架～又大块（我同事果块又厚又大块） （我地一行6个人）个汁都做得好好食，唔似一般黑椒汁。佢个蘑菇汤同蒜茸包都好好食！我嘅脚短同事就叫左鱼扒，都好软滑，佢两面好似用左蛋汁煎咁，防止佢煎到散收收，好食！ 我再加杯Mocha，佢杯mocha咖啡好重咁，好香，苦苦地，中意咖啡嘅人一定要试下佢地嘅咖啡，系几好饮嘅。虽然埋单都要8十几蚊，不过食佢嘅野，紧系要食埋佢嘅Service, 今次几满意，下次会再食！Ps: 我地预先佢一开门我就打去卜枱，好彩都有枱俾我地。 餐厅啲位唔算多，人就愈黎愈多。