圓山飯店 (裝修中)

约了一位长辈食饭，需要拣间好坐又就到长辈口味嘅餐厅，就踏上左呢间一直觉得好神秘嘅餐厅。平时去饮野或者美丽华都会见到呢间餐厅，但从来无食过。约左6点几到，时间尚早，未算好多人，晏多少少就full house，好多都系一家大细食，仲有啲日本游客。值得一赞嘅系餐厅有提供少见啲嘅菊花，仲要回冲咗几次都仲有味。一坐底就有碟调味咸鲜嘅青瓜。🍴避风塘炒蟹原来餐牌力推紧呢碟，难怪人人都叫，$298两个人份量系一斤左右，炸蒜个调味好香口，辣度属于微辣。就连蟹钳都好入味，绝对系惹味又邪恶嘅一道菜。🍴蚝仔煎蛋蚝仔大只厚肉，但佢配个橙色嘅酱汁食唔惯，夹左避风塘炒蟹啲炸蒜超正。🍴冰镇咕噜肉上台时有啲干冰，无谂过酒楼都咁打卡feel。咕噜肉个皮仲脆嘅，必须要送饭。🍴猪油渣炒菜厨房将菜心老嘅位都刨走晒，得返嫩嘅部份。话用猪油渣炒，但出奇地个菜唔油腻，菜心仲好爽脆。如果想同屋企人食饭，呢间出品系水准之上，店员仲好识做，会主动问使唔使帮手影相。