WOFT (已結業)

成日经过呢间系旺角嘅酒吧餐厅，都觉得好好feel...今日终于约到朋友放工黎chill 一chill 因为系星期四嘅关系，唔算好多人，但系音乐比较大声，气氛好好但就要大声啲倾计😂首先食咗个蓝青口配香蒜白酒汁，份量好足。青口完全冇沙，有啲海水味，送酒一流。仲要有我最钟意嘅洋葱同烟肉粒。正！之后食咗个龙虾肉忌廉牛肝菌意大利粉。呢个Risotto又系相当足料，两只大龙虾啖啖肉非常香甜。饭嘅软硬度啱啱好，入晒味！最后就系呢个必食嘅芝士软壳蟹窝夫汉堡。软壳蟹同薯圈都炸得好脆又唔会好油淋淋。窝夫有啲似食鸡蛋仔咁好好食。成碟野好邪恶好正！不过佢下面有啲沙律菜平衡下，估唔倒都好新鲜好好食！推介推介。得两个人嘅关系唔系食倒多嘢，本身我哋谂住一定要叫嘅邪恶棉花糖朱古力夹心饼，但真系完全食唔落。所以最后只系叫咗呢杯咦清新嘅Cocktail - 柠檬 桃 热情果 加啲vodka..非常满足😂