影片
更多
2014-02-02
1145 浏览
兰桂坊酒吧林立, 繁华热闹, 星期五晚上想揾个比较静嘅地方食饭真系绝非易事! 今晚同男友应友人之邀出席试酒会, 会后肚饿, 正苦恼应该去边处开饭嘅时候, 俾我哋见到呢度 *^O^*餐厅嘅装潢充满墨西哥风情, 但比较重快餐店嘅感觉! 因为肚饿, 我哋好快就决定好要点嘅菜 ^^先嚟两份 "烧牛肉软皮夹饼" ($19份) - 皮薄馅靓, 加几滴青柠汁, 唔需要其他酱汁都已经美味非常!"烧牛肉粒至尊脆片" ($52) - 香脆嘅粟米片上面, 铺满惹味嘅烧牛肉粒, 配上牛油果酱, 软芝士, 酸忌廉, 洋葱, 蕃茄, 芫茜粒... 好味到停唔到口 ^^ "绿莎莎酱鸡肉焗芝士卷" ($62) - 粟米薄饼包裹住份量十足嘅鸡肉丝, 上面淋上厚厚嘅软芝士 & 忌廉绿莎莎酱… 不论混埋伴碟嘅沙律一齐食, 定系就咁直接食, 口感都一样丰富 ^^饮品方面, 我哋点咗 "墨西哥香浓朱古力" ($22) & "墨西哥啤酒" ($48) - 朱古力好特别, 有浓浓嘅香草味, 令人越㗳越过瘾... 好快就饮完一杯 ^^ 啤酒嘅味道都系偏浓, 但都好好饮!能够喺兰桂坊呢个闹市静静地开餐, 而且价廉物美~ 我哋两个都食得
餐厅嘅装潢充满墨西哥风情, 但比较重快餐店嘅感觉! 因为肚饿, 我哋好快就决定好要点嘅菜 ^^
先嚟两份 "烧牛肉软皮夹饼" ($19份) - 皮薄馅靓, 加几滴青柠汁, 唔需要其他酱汁都已经美味非常!
"烧牛肉粒至尊脆片" ($52) - 香脆嘅粟米片上面, 铺满惹味嘅烧牛肉粒, 配上牛油果酱, 软芝士, 酸忌廉, 洋葱, 蕃茄, 芫茜粒... 好味到停唔到口 ^^
"绿莎莎酱鸡肉焗芝士卷" ($62) - 粟米薄饼包裹住份量十足嘅鸡肉丝, 上面淋上厚厚嘅软芝士 & 忌廉绿莎莎酱… 不论混埋伴碟嘅沙律一齐食, 定系就咁直接食, 口感都一样丰富 ^^
饮品方面, 我哋点咗 "墨西哥香浓朱古力" ($22) & "墨西哥啤酒" ($48) - 朱古力好特别, 有浓浓嘅香草味, 令人越㗳越过瘾... 好快就饮完一杯 ^^ 啤酒嘅味道都系偏浓, 但都好好饮!
能够喺兰桂坊呢个闹市静静地开餐, 而且价廉物美~ 我哋两个都食得超满足 ＼(^o^)／张贴
