影片
更多
2021-09-05
1457 浏览
星期日去旺角行动漫商场，行完就食埋晚饭先返屋企，我哋去咗帮衬撑香港人嘅「Plato Cafe & Bistro」💛。餐厅坐落于弥敦道，地理位置方便，而且仲有窗口位可俯瞰闹市大街景色🌃，整体气氛令人放松。餐厅周末都有提供晚市套餐🍽，但个人认为二人餐未算太吸引，因为弹性唔高。相反嗌一人餐有各样加配嘅选项，计返价钱好似仲抵啲。D13美国安格斯西冷牛扒($238)，🥩牛扒几大件，富有烧烤嘅香气，但切开后略嫌熟咗啲，因为我系嗌七成。牛扒底部垫咗唔少蔬菜，包括新薯🥔、车厘茄🍅、西兰花🥦同埋沙律菜🥗。D7龙虾汁海鲜天使面($168)，Pasta超大碟🍝，两个人都够食。天使面面质唔会太淋，面条幼身挂汁，龙虾汁如果浓味啲就好。海鲜份量多，款式包括有蚬、青口、帆立贝、烟三文鱼同虾🦐。大蒜薯仔汤系是日餐汤，🧄蒜头味唔会太重，易入口，但我预期中质感会杰身啲。每份汤伴旁会有一块蒜蓉法包。法式龙虾汤(升级价$28)，🦞龙虾汤同意粉个汁有啲似，唔会过咸。不过我建议加啲虾肉，或会将个汤带去另一个层次。宇治抹茶芝士蛋糕(加配价$28)，甜品仔唔错，🍰芝士蛋糕口感细滑，够软身，而且抹茶味亦发挥得好好。饮品方面，套餐包$3
星期日去旺角行动漫商场，行完就食埋晚饭先返屋企，我哋去咗帮衬撑香港人嘅「Plato Cafe & Bistro」💛。
餐厅坐落于弥敦道，地理位置方便，而且仲有窗口位可俯瞰闹市大街景色🌃，整体气氛令人放松。
餐厅周末都有提供晚市套餐🍽，但个人认为二人餐未算太吸引，因为弹性唔高。相反嗌一人餐有各样加配嘅选项，计返价钱好似仲抵啲。
D13美国安格斯西冷牛扒($238)，🥩牛扒几大件，富有烧烤嘅香气，但切开后略嫌熟咗啲，因为我系嗌七成。牛扒底部垫咗唔少蔬菜，包括新薯🥔、车厘茄🍅、西兰花🥦同埋沙律菜🥗。
D7龙虾汁海鲜天使面($168)，Pasta超大碟🍝，两个人都够食。天使面面质唔会太淋，面条幼身挂汁，龙虾汁如果浓味啲就好。海鲜份量多，款式包括有蚬、青口、帆立贝、烟三文鱼同虾🦐。
大蒜薯仔汤系是日餐汤，🧄蒜头味唔会太重，易入口，但我预期中质感会杰身啲。每份汤伴旁会有一块蒜蓉法包。
法式龙虾汤(升级价$28)，🦞龙虾汤同意粉个汁有啲似，唔会过咸。不过我建议加啲虾肉，或会将个汤带去另一个层次。
宇治抹茶芝士蛋糕
16 浏览
0 赞好
0 留言
饮品方面，套餐包$34嘅饮品🥤，$34以上嘅则补差价。我哋要咗黑牛(原价$46)同埋冻柠茶(原价$38)，前者即系可乐加朱古力味雪糕，唔讲真系唔知。顺带一提，白牛即系碧雪(小新说法🤣)加云呢拿雪糕。
总括嚟讲，晚餐食饱饱好满足，而我今晚亦终于嚟咗想试好耐嘅柏拉图😬。餐厅定价其实都OK，有套餐或者订枱著数。经网上订枱，单点主菜可享买一送一优惠啊。
张贴
