Salad Cafe《NEO-ROMANTICISM》 (已結業)

喺旺角行街，好多时又攰又逼，要揾个地方坐下，都唔系咁易。呢个商场2楼嘅Salad Cafe专卖各种花茶，仲有靓靓花墙，俾人打卡影相。🤩Cafe嘅櫈都几宽松，一张枱最多坐四个人，唔会搞到夹硬迫多两个人搭枱😏饮品方面走小清新路线，如果钟意饮台式饮品嘅朋友，可能会觉得太过清淡，但系如果钟意养生嘅朋友，呢啲花茶各有特色，餐牌写到明饮咗有咩好处，好多选择。每杯嘅杯底都有以云石卡片做装饰，感觉高贵大方，好啱打卡呃like🤣呢一杯系处女座嘅12星座之一花茶，配上星座卡片，后面亦都写咗一啲嘅星座运程同特点，少女味甚浓啊！