樂湯雞麵館 (登龍街) (已結業)

行街行过登龙街，咁啱落紧雨又冇带遮，见到呢间舖头个名好特别，既然系咁应景，所以就入咗去试下啦间舖头入面都好古色古香，好干净又企理，我哋坐低，舖头店员就好快埋嚟落单，推介我哋食砂锅龙皇云吞鸡，咁我哋就嗌咗一份云吞鸡。自己又口痕想食岀前一丁，就叫咗个XO酱招牌双宝捞出前一丁。谂住食啲菜，所以就嗌埋一个云腿浸娃娃菜。啲食物都好快就上枱，第一上枱嘅菜就系个娃娃菜一放低就闻到好浓好香嘅金华火腿味，个奶油轻身得来又好香，配埋金华火腿一齐食，非常出色第二道上枱嘅菜就系个云吞鸡，一放上枱见到佢喺度沸腾紧已经觉得好吸引，除咗卖相好睇之外：首先个鸡唔会好韧有鸡味，仲要好多都系鸡髀肉，啖啖肉个云吞超级大粒，个size系出面食嘅云吞嘅两倍！入面有原只大虾同埋好足料嘅肉，云吞皮仲好滑重点就系个鸡汤，好浓郁好香好好饮！唔使嗌饮品净系饮呢个汤都已经足够！第三道菜就系个XO酱捞丁，个XO酱真系好出色，捞埋个丁简直系一绝！入面包埋云吞同埋水饺两款都好好食，好足料！食完问返个店员，先知原来个XO酱都系佢哋自家制！但系咁啱卖晒，下次经过见到有一定要买返一樽XO酱返屋企食估唔到咁都比我发现到一间咁好食嘅餐厅，真系好值得推介！