REFLECT Restaurant & Bar

嚟到旺角食返啲小众西式菜式，上网见呢度taco menu几岀名，但睇完menu其实其他菜都好吸引，好可惜青口已经卖晒，下一次一定要再嚟食。今次嚟到餐厅系星期二晚上，好幸运地露天位置仲有一张枱净，可以同友人二人撑枱脚。望住城市景观，加上室外阳台灯饰嘅布置，浪漫气氛十足，冬天嚟真系非常舒适！蟹肉tartar加上鱼子酱令菜式高贵感十足，软绵绵嘅蟹肉加上香草嘅味道，系非常好嘅餐前菜！龙虾汤并唔系Menu上面，上面布满咗超香嘅樱花虾，令到龙虾汤级数再次升华，每饮一啖都有好香浓嘅海鲜味。串烧拼盘当中嘅鸡肉同牛肉都非常软身，味道唔错，但牛肉上嘅黑椒比较多。牛肉意粉嘅牛非常软身，好香浓嘅牛肉味道，卖相麻麻，但味道10分。整体呢一度嘅气氛非常好，户外亦唔多客人会大好吵闹，胜在每枱谈心都细细声，令我可以感受城市中宁静。