顏府御膳 (已結業)

食得多外国菜，偶尔食下中式/广东菜都唔错。最近就去左铜锣湾既【颜府御膳】食晚餐。【颜府御膳】主打港式粤菜加新式fusion，而且摆盘都好精致。 前菜 胡麻茄子：本身就禁睇真系唔似茄子，比较似淮山/豆腐。食落去之后又唔同平时软霖霖既茄子质地。系比较爽脆。因为茄子本身都无咩味，加左胡麻酱就岩岩好，好match，又可以带出茄子鲜味！藤椒木耳：微辣既凉拌木耳再加藤椒，鲜浓惹味，但又唔会太咸。辣辣地，好开胃！保健老火汤：超级热既老火汤，味道超级浓！好好饮。主菜 鲜淮山炒和牛：分量都算好多，有牛肉、淮山、豆、同三色椒。调味偏浓，但唔会好咸。牛肉软嫩、淮山爽脆、豆鲜甜。个人几推荐呢个菜。砂锅大澳虾酱唐生菜胆：呢个算系台台必点。超热砂锅上台，再系你面前炒。虾酱味浓但唔臭。唐生菜胆分类比较少，所以食到底都会偏咸。