心選 (已結業)

平常都好喜爱到楼上cafe，无论系食饭或者下午茶，因为钟意佢够安静，唔会好似街边餐厅咁嘈，可以慢慢享受同朋友相聚既时间。今日晚餐就黎左依间系旺角既心选cafe。Cafe入面装修以木系为主，墙边有一列胡桃夹子既装修，非常有特式，成个环境都俾人有好舒服既感觉。餐厅厨房需然唔大，菜单上既选择唔算好多，不过睇得出样样都系好有心机去预备。今晚主菜我地点左辣韩式炸鸡长通粉，鳗鱼炒饭。辣韩式炸鸡长通粉炸鸡好辣滑，配用韩式辣酱炒成既意粉，甜度同辣度都岩岩好，非常开胃。鳗鱼炒饭佢系用珍珠米炒起既，每粒饭都炒到好干身，调味都好好，好食！炸薯条薯条系即炸既，热辣辣好香口！饮品点左Latte同Cappuccino。有熊仔拉花好得意！Cafe仲放左好多board game俾大家玩，要消磨时间一流！