影片
更多
2020-07-10
52 浏览
平成 系一间小小的日式餐厅， 拉开木趟门入去， 会发现入面好清幽， 暗暗的氛围， 好适合同朋友 静静地响𠮶度倾计食嘢。 墙壁贴满咗不同日本牌子的清酒同烧酒嘅包装纸， 更添一种 地地道道嘅风味。首先要讲下个盐葱牛舌粒， 啲牛舌都几大粒，咬落去好有口感， 烟烟靭靭， 好襟食。 上面亦都好慷慨咁加咗好多葱花， 佢亦都唔会好热， 系一碟好好既凉拌嘅开胃小食。 特别有惊喜嘅系之后上嘅炒三文鱼碎稻庭乌冬， 乌东真系好嫩滑同埋有咬口， 真心好食， 同埋个汤底有好浓厚嘅海鲜味鱼味， 三文鱼碎都好香口惹味， 同样厨师好慷慨咁加咗好多葱花， 几乎堆到好似一座山咁高， 当然佢仲有温泉蛋附上， 令到成个乌冬嘅味道更加有层次。另一个好有趣嘅菜就系 泡菜牛肉烧饼， 呢个配搭好新颖， 食落去亦都好讨喜， 泡菜嘅重口味同埋辛辣的刺激 好适合制成烧饼。 但有样嘢要注意， 如果有其他口味比较清淡嘅菜式， 就要忍下口， 唔好食呢个烧饼住， 因为佢个味系绝对会掩盖咗其他嘅菜式。我哋有另一个比较清淡菜式， 就系芝士葱蛋饼， 上面加一个烧鹅肝， 鹅肝既味道好香， 配埋葱蛋饼，系一定好味既配搭，呢碟𩠌系需要花时间慢慢咀嚼同埋细心品
平成 系一间小小的日式餐厅， 拉开木趟门入去， 会发现入面好清幽， 暗暗的氛围， 好适合同朋友 静静地响𠮶度倾计食嘢。
墙壁贴满咗不同日本牌子的清酒同烧酒嘅包装纸， 更添一种 地地道道嘅风味。
首先要讲下个盐葱牛舌粒， 啲牛舌都几大粒，咬落去好有口感， 烟烟靭靭， 好襟食。 上面亦都好慷慨咁加咗好多葱花， 佢亦都唔会好热， 系一碟好好既凉拌嘅开胃小食。
特别有惊喜嘅系之后上嘅炒三文鱼碎稻庭乌冬， 乌东真系好嫩滑同埋有咬口， 真心好食， 同埋个汤底有好浓厚嘅海鲜味鱼味， 三文鱼碎都好香口惹味， 同样厨师好慷慨咁加咗好多葱花， 几乎堆到好似一座山咁高， 当然佢仲有温泉蛋附上， 令到成个乌冬嘅味道更加有层次。
另一个好有趣嘅菜就系 泡菜牛肉烧饼， 呢个配搭好新颖， 食落去亦都好讨喜， 泡菜嘅重口味同埋辛辣的刺激 好适合制成烧饼。 但有样嘢要注意， 如果有其他口味比较清淡嘅菜式， 就要忍下口， 唔好食呢个烧饼住， 因为佢个味系绝对会掩盖咗其他嘅菜式。
我哋有另一个比较清淡菜式， 就系芝士葱蛋饼， 上面加一个烧鹅肝， 鹅肝既味道好香， 配埋葱蛋饼，系一定好味既配搭，呢碟𩠌系需要花时间慢慢咀嚼同埋细心品尝， 佢唔系一味一摆落口即刻会赞叹嘅美食， 需要时间响口入面慢慢发掘佢嘅甜味 同埋蛋味嘅新鲜，越食越喜欢。
最后饮品方面我哋嗌咗一杯黑啤， 同埋一杯巨峰提子乳酸梳打， 个人喜好方面喜欢后者多于前者， 特别系有一种淡淡嘅忌廉味， 唔系一种死甜。
张贴
