屋喔 (已結業)

终于系百忙之中可以抽到时间，同呢一个两年冇见嘅朋友食饭。选址方面我哋拣咗方便大家嘅旺角，但大家都知啦呢几日真系热到痴线，空气又差。所以我哋就拣咗喺朗豪坊隔离间呢间餐厅食饭食物方面呢我哋就拣咗呢一个酥炸鸡粒肉燥饭，饭方面呢就十分之丰富，因为佢有10分多嘅肉燥，仲有一旧五花腩配上，真系男仔都够吃！🤤而炸鸡方面亦都唔失礼，鸡粒炸完仲好滑，分量方面亦都唔算少，只系略嫌炸粉有啲多，影响咗味道。除此之外我哋仲叫咗一杯Ice Latte，一杯冻咖啡配上闹市嘅景色已经足够我哋由一点倾到四点几。呢一间幽静嘅Cafe真系十分之适合朋友/情侣嚟轻松下倾计。