熊本牛鍋 (永勝商業中心)

营业中

休息中

放工朋友带左我去食鸡煲加任食火锅🙈估唔到质素如此地好🤭好味又抵食！朋友推荐一定一定要食皇牌套餐，佢讲到咁唔叫都唔得啦😂我哋叫左小辣，酱汁好惹味，辣度又刚好！啲鸡肉又多又滑☺️重点系入面有鲍鱼，鲜虾，蚬肉，果然够哂豪华👍🏻每样都好鲜味同鸡煲原来可以咁夹😋同埋估唔到入面有两块紫薯，出奇地好味！再黎就到戏肉，就系手切牛肉，呢度系会有师傅现场切牛肉，块块牛肉都好新鲜又嫩口，餐厅有牛小排同牛肩胛提供，两款牛都无得顶！仲有豚肉片提供，一啲猪腥味都无，又系好正！出面仲有唔同嘅蔬菜🥬同丸类同一啲鱼肉夹，真系食到饱一饱🙈野食除咗平时啲汽水外，仲有自家制嘅雪耳糖水，够哂清润又有诚意！呢餐好掂呀‼️