Bellevue Bar and Grill (已結業)

要食浪漫既晚餐，系旺角闹市都做得到，有埋烛光添呀，呢间餐厅系旺角一座大厦既高层，虽然唔系对海景，系望住旺角既闹市，人来人往，都几有香港特色。食物方面，有烤T骨牛扒（16oz) ，块扒份量好足，但唔会烤得干身，叫左5成熟啱啱好，2个人食份量适中。好欣赏佢地嘅配菜，今次叫左芝士菠菜、芝士椰菜花、芝士焗薯，仲有好多唔同选择嘅配菜，睇得出佢地嘅用心，虽然系配菜，但一d都唔失礼。另外再食左烤香草带子伴蟹肉甜粟意大利饭，当做完食肉兽，有个creamy既饭平衡下，虽然个饭creamy，但唔会太滞。咁既环境服务同食物质素，价钱系贵d，不过值得既。