Pause It (已搬遷) 新店位置

今日同屋企人放假去旺角行街，行过见餐厅装修简洁，嘢食又睇落唔错，就入黎食个下午茶😋😋餐厅装修以简洁白色为主，比客人一个清新舒服嘅感觉。黎Cafe, 点都会叫一个特色咖啡黎试试🤤 我叫左一杯竹碳鲜奶咖啡，一开始闻落去只有咖啡味，不过饮落就开始感觉到浓厚嘅竹碳粉粒，口感都几特别。屋企人就叫左杯蜜桃洋甘菊茶，好Fresh，唔太甜，好好饮! 绝对系解渴消暑嘅饮品。义大利饭嘅酱汁刚刚好，所以成个饭唔会太黏。黑松露好香，唔会盖过杂菌嘅菇味。我自己再加黑椒，更加惹味😋鸡翼炸到出面好脆，好香。里面啲鸡肉仲系好嫩！加埋鸡翼上面嘅甜酸酱，鸡翼真系无得顶。薯条配埋黑松露芝士酱，一开始食都好香。但系食食下，我就觉得有啲漏。但芝士爱好者可能会好钟意。