Beanswork (已結業)

圣诞前排要去铜锣湾买嘢，行到攰，去咗一间静静地既餐厅食晚饭。餐厅环境布置舒适，楼底高，及摆满密密麻麻既座位。我哋叫咗烟熏挪威三文鱼沙律、龙虾汁波士顿龙虾阔条面、慢煮乳猪、酥炸鱿鱼配薯条同两杯茶。烟熏挪威三文鱼沙律：三文鱼新鲜多肉，沙律菜尚算多，但略嫌黑醋汁较甜。龙虾汁波士顿龙虾阔条面：龙虾较细少，肉质爽口。阔条面烟韧，有淡淡既龙虾汁味道。慢煮乳猪：乳猪上枱时闻到烤焦味。砌了一片，感到好脆。食了一口，乳猪肉皮肥厚，乳猪肉很嫩口，肉厚，另配脆口嘅薯条。酥炸鱿鱼配薯条：由于我哋地唔知道慢煮乳猪系会配薯条，所以又叫咗鱿鱼配薯条。鱿鱼配薯条既比例系1对3，鱿鱼炸粉觉厚身，薯条香口，配上芥末沙律酱觉得有点腻，个人喜欢用茄汁多点。