潮洲滷 (已結業)

今日经开湾仔，差唔多走嘅时候。收到电话叫我加𩠌，误打误撞嘅情况之下，见到呢间潮州卤。见到佢啲卤味好似好吸引咁，而且亦都有好多人喺度帮衬。于是决定喺度斩料加送拎返屋企。分别叫咗卤水猪手，卤水猪耳，卤水鸡翼同埋红肠。先讲佢啲卤水汁。唔会话太咸，而且好入味。我自己就最钟意个猪耳，猪耳非常之爽口，而且份量都好大。喺门口等嘅期间，见到呢间舖头原来系由家族经营，我当日所见到嘅就系妈妈同大仔，两个人都劲热情咁招呼我哋。所以无论喺食物方面，定还是服务方面。呢间食店都会得到好高嘅分数。值得大家嚟试吓。