Crema

营业中

休息中

跟朋友去完历史博物馆想找个地方温书，之前来过一次觉得环境、食物唔错，所以就建议嚟「Cream」。因为舖头喺地库，而且大厦外面正在装修，所以唔知嘅都几难发现呢间舖。因为基本上过咗晚饭黄金时间，所以人唔算多，环境几静几舒服，同朋友倾计、温书一流！Menu除咗一般Cafe Shop有嘅咖啡、芝士饼外，都有唔少主食、意粉、就连Pizza都有，选择种类非常多！因为Lunch食太饱关系，所以同朋友Share主食就够，今次叫咗个 烟三文鱼天使面 ，三文鱼唔错，但就系菠菜汁味道有啲怪，搞到个成个天使面难食咗，而且一冻左仲令啲面浆哂，最后只好放弃。之后就到最钟意嘅 拉花咖啡 ，其实系因为呢个先会对「Cream」印象咁深刻，兔兔拉花超可爱，因为想俾朋友要兔兔，所以我就叫左要猫猫，不过其实自己觉得猫猫无咁可爱。味道方面，都几香滑易入口，我平时唔饮得咖啡都几钟意饮呢到嘅咖啡。最后叫咗个 蓝莓芝士饼 ，大小适中就系一人份量，蓝莓酱超正！芝士唔会太漏，而且几香浓，真系好想食多件啊喂XD！