Rang Mahal Authentic Indian Cuisine (已結業)

我都好钟意食印度咖哩，有啲朋友就觉得好重口味，但我就好钟意啲香料味道，特别香特别浓。唔同嘅咖哩就又有唔同嘅辣度，好有感觉！所以我间中都会试下唔同嘅印度餐厅，每一间总会找到独特嘅地方！今日嚟到中环一间上楼嘅印度餐厅一入到餐厅已经觉得好地道，地方又够干净，座位阔落！我就最喜欢食前菜Papadum，有些餐厅系用来作免费前菜，虽然呢间系要自己order，但绝对有惊喜，非一般嘅Papadum ，自啲似西式嘅Nachos，薄脆上面舖满香料叶、洋葱同蕃茄，真系话咁易就KO晒！呢道俾嘅酱汁十分有份量我又好钟意食Tandoori 铁板系列，今日拣咗鱼，味道够香浓好惹味，鱼肉口感有弹性！咖喱方便就叫咗杂菜咖喱鸡肉，味道少少辣，好香香料味，又多杂菜，口感丰富！另外就叫了薯仔椰菜咖喱，特别喜欢呢种配搭，同蒜蓉印度薄饼一起食，十分惹味。