鐵牛台灣牛肉麵 (旺角中心第一座) (已結業)

呢间铁牛位于旺角嘅地舖，算系旺角中嘅少少宁静，唔会见到好多车同人经过。环境几有特色，但大部分位都比较窄。餐牌设计具特色。今日试咗好多之前冇食过嘅嘢。叫咗一个黄金梅子脆薯，梅粉就够多啦，但系个脆薯啲肉太厚，食落去觉得好粉好重。味道系okay嘅，但口感就一般。至于麻辣牛筋腩面呢，麻辣汁够浓，但又唔会太辣，啱哂我呢啲中意食又唔食得太辣嘅人，好惹味！牛筋腩啲筋腩分明，又炆得够淋，入哂麻辣汁嘅味，正！ 面底同一般牛肉面一样，爽口弹牙，粗幼适中。另一个主食叫咗湖烧鸡腿排便当。鸡腿排嘅汁系特色嘅酱油，鸡腿排煎过增加口感，味道唔错嘅，略嫌肉有点过熟。鲁肉煮得入味，肉亦有肥有瘦，用来捞饭份量亦啱啱好。其他小菜味道亦佳！嘢饮叫左一杯冻绿茶，一杯热珍珠奶茶。两杯都正常，系应有嘅水准。肉燥小茄子就系最有惊喜！茄子沟埋台式肉碎十分惹味，茄子肉够厚够淋又索汁，加埋肉碎一齐食，别有风味！埋单一人$120左右，食到好饱呢！