影片
更多
2020-11-18
90 浏览
其中一个我好喜欢来笑林寺的原因就系我觉得佢哋好梦幻。响湾仔呢一个旧区用中式实木家私，但食嘅系西餐同饮咖啡，就系呢个反差令到大家觉得好吸引。同朋友来通常佢哋都会问呢度系咪食素，当然唔系啦，少林寺都系食肉㗎，而且仲系上市公司添，况且呢度都唔系少林寺，而系笑林寺，所以有肉食大家都唔使太惊讶。呢度另一个特色系佢嘅食物同饮品名都好特别，就如置身金庸嘅世界，但你食紧西餐。佢哋人手唔多，坐低之后就自己去柜位落单。午餐$100左右，有一个主菜同一杯嘢饮，坐低先来一杯大力金刚指，Americano... Uncle Sam够大力，明既。我最喜欢食嘅系呢度嘅桃花岛，即系烟三文鱼Carbonara。每次睇完个Menu一轮都系叫返呢一样。佢嘅忌廉汁好香，烟肉亦都唔少，仲有磨得好幼身嘅芝士，加埋桃花咁样嘅三文鱼，未食都已经好开心。午餐加$18就有甜品。呢度嘅甜品名字都系正常甜品嘅名字，柠檬挞甜酸适中，一道好经典嘅甜品，冇花巧但好好食。今日另一个甜品选择系擂茶雪芳草蛋糕，擂茶系潮汕一带成日饮嘅茶，今次蛋糕唔用日本绿茶而用擂茶，面头仲加上花生芝麻，呢个亦都系潮汕擂茶嘅一个特色，就系会将花生同芝麻倒在茶上面。蛋糕好松
同朋友来通常佢哋都会问呢度系咪食素，当然唔系啦，少林寺都系食肉㗎，而且仲系上市公司添，况且呢度都唔系少林寺，而系笑林寺，所以有肉食大家都唔使太惊讶。
呢度另一个特色系佢嘅食物同饮品名都好特别，就如置身金庸嘅世界，但你食紧西餐。
佢哋人手唔多，坐低之后就自己去柜位落单。
午餐$100左右，有一个主菜同一杯嘢饮，坐低先来一杯大力金刚指，Americano... Uncle Sam够大力，明既。
我最喜欢食嘅系呢度嘅桃花岛，即系烟三文鱼Carbonara。每次睇完个Menu一轮都系叫返呢一样。佢嘅忌廉汁好香，烟肉亦都唔少，仲有磨得好幼身嘅芝士，加埋桃花咁样嘅三文鱼，未食都已经好开心。
午餐加$18就有甜品。
呢度嘅甜品名字都系正常甜品嘅名字，柠檬挞甜酸适中，一道好经典嘅甜品，冇花巧但好好食。
今日另一个甜品选择系擂茶雪芳草蛋糕，擂茶系潮汕一带成日饮嘅茶，今次蛋糕唔用日本绿茶而用擂茶，面头仲加上花生芝麻，呢个亦都系潮汕擂茶嘅一个特色，就系会将花生同芝麻倒在茶上面。蛋糕好松软味道亦都好特色，不过我就觉得干咗少少，如果可以加少少忌廉就好啦。
张贴
