小桃咖啡室 (已結業)

铜锣湾时代广场，系一个香港出名热闹的地方，而估唔到有一间Cafe虽然身处其中，但却可以用宁静放松来形容，用第三身角度去观望呢个闹市，小桃咖啡室。Bar枱可以望到整个时代广场，一边饮野一边望街景，非常舒适，而店内亦有精致摆设，能令都市人心情从烦嚣城市中抽离。睇过餐牌后拣左2日套餐首先来既系法国酥皮焗田螺配凯撒沙律，扑鼻既焗酥皮味令食欲大增，牛油加上芝士，配上口螺烟韧口感，一流！而沙律菜非常爽脆，再加上芝士碎同面包碎，作为前菜沙律非常好！忌廉磨菇汤配蒜蓉包，蒜蓉包系个人最中意既餐包，虽然蒜味唔算特别浓，但包身非常脆口，亦都唔错。而忌廉汤内有香草、磨菇、粟米，口感层次多，味道唔算太浓。香煎法国鹅肝伴蕃茄莎莎，个人认为系全晚第二优秀既菜式，鹅肝表面微脆，内部细滑，配上茄粒、黑醋、柠檬汁，令鹅肝食落唔会有腻口感觉，好味！全晚最好的蕃茄烟三文鱼Pizza，薄薄饼底，再加上粟米同蕃茄，味道带淡淡清甜，然而烟三文鱼味道却非常浓郁，变相整体能够突出到三文鱼味道，相当唔错！卡邦尼烟肉意粉，一般比人感觉会系好腻口感觉，但今次呢个唔算好浓郁，而意粉质地又刚刚好，作为最后一道菜系几好选择。Oreo女神这杯「奥利