影片
更多
2018-05-02
50 浏览
今次同妈妈嚟试下呢间西餐，之前其实已经想食好耐架啦，见今次行开呢头就顺便食埋！8点几嚟到唔使等位，餐厅亦唔算多人，睇完餐牌觉得2人餐唔系好啱食，所以都系决定叫普通dinner set，叫咗：德国脆皮咸猪手配龙虾汤，另外仲有个黑松露牛柳粒意大利饭，加钱要埋凯撒沙律同牛角包，餐饮就系柠檬生姜茶同英式奶茶。首先系餐汤，妈妈叫嘅龙虾汤最怕唔够热会腥，呢度就唔会啦，够晒热，而且都会有2－3粒龙虾肉，仲有一碗系薯仔蓉汤，我就觉得几好饮，唔会话得个咸字，我食到有少少薯仔蓉嘅质感添！牛角包几高质，好香牛油味，我妈妈惊太肥所以俾埋佢果份我。凯撒沙律，跟餐来讲算大碗，2个人食好够，大碗啲都惊食唔晒！到咗主菜部份，黑松露牛柳粒意大利饭先来，闻到微微嘅黑松露味，个汁调得唔错，不过个人认为配牛柳粒就唔系好match，牛柳粒太淋。反而面头嘅芝士片几咸香。至于德国脆皮咸猪手，好大份呀！一嚟到已经觉得食唔晒，旁边亦跟咗啲沙律菜同薯仔。猪手皮好脆，肉质几嫩，啖啖肉，可以配上芥末酱或蒜蓉汁会更惹味。我自己就钟意食佢嘅沙律菜，可以消除咗食咁多肉嘅饱肚感。不过真系太大份，我哋2个人都食唔晒咁多嘢！饮品方面，英式奶茶原来只系茶
8点几嚟到唔使等位，餐厅亦唔算多人，睇完餐牌觉得2人餐唔系好啱食，所以都系决定叫普通dinner set，叫咗：德国脆皮咸猪手配龙虾汤，另外仲有个黑松露牛柳粒意大利饭，加钱要埋凯撒沙律同牛角包，餐饮就系柠檬生姜茶同英式奶茶。
首先系餐汤，妈妈叫嘅龙虾汤最怕唔够热会腥，呢度就唔会啦，够晒热，而且都会有2－3粒龙虾肉，仲有一碗系薯仔蓉汤，我就觉得几好饮，唔会话得个咸字，我食到有少少薯仔蓉嘅质感添！
牛角包几高质，好香牛油味，我妈妈惊太肥所以俾埋佢果份我。
凯撒沙律，跟餐来讲算大碗，2个人食好够，大碗啲都惊食唔晒！
到咗主菜部份，黑松露牛柳粒意大利饭先来，闻到微微嘅黑松露味，个汁调得唔错，不过个人认为配牛柳粒就唔系好match，牛柳粒太淋。反而面头嘅芝士片几咸香。
至于德国脆皮咸猪手，好大份呀！一嚟到已经觉得食唔晒，旁边亦跟咗啲沙律菜同薯仔。猪手皮好脆，肉质几嫩，啖啖肉，可以配上芥末酱或蒜蓉汁会更惹味。我自己就钟意食佢嘅沙律菜，可以消除咗食咁多肉嘅饱肚感。不过真系太大份，我哋2个人都食唔晒咁多嘢！
饮品方面，英式奶茶原来只系茶包再加啲奶咁，无我想像中嘅感觉，反而我妈妈嘅柠檬生姜就唔错，虽然都系茶包，不过加咗几片柠檬都几香同可以消滞。
整体黎讲，食物份量大，性价比高，侍应服务周到。不过饮品方面可以加以改善，另外灯光方面亦可稍为改进，有些位置会太暗，有些又会被白光射到，建议用黄光可以柔和点。
张贴
