博多拉麵別天神 (已結業)

好多朋友都向我推荐呢间拉面店，今次经开旺角附近，终于有机会试一次，果然系闻名不如见面，相当值得推介！Menu有两款拉面，拉面套餐，同埋小食，选择就贵精不贵多，最紧要整得好食。我选择咗虾味噌豚骨拉面套餐，小食就配饺子。睇住师傅好用心咁整每一碗拉面，对食物嘅质素同制作过程有绝对嘅信心。虾味噌豚骨拉面汤底浓郁鲜甜，面头再加好多脆脆嘅虾干，仲有豚肉、糖心蛋、葱、紫菜同粟米，好足料，食材都好新鲜好入味。虾味噌汤底非常入味，拉面挂汤能力非常好，完全充满着虾嘅鲜味。日式饺子煎得好脆，仲配有酱汁，饺子入面都非常足料，真系大满足呀！呢个就系虾味增拉面套餐，真系好满足呀！到我食完饭之后，门口嘅人龙都系好长，好多人排队等位。以呢间餐厅嘅质素同价钱，性价比非常之高，真系好值得推荐！以后我再次经过，都一定一定会再帮衬。