舒房 (已結業)

难得喺忙碌嘅12月可以同朋友享受休闲嘅下午，我哋就拣咗呢间喺北角嘅Cafe。呢间Cafe嘅空间虽然唔大，但环境舒适。而且设有室外空间，可以边叹咖啡边望街景，都几chill😎本身打算试吓佢哋嘅意粉，不过卖晒。所以我同朋友都叫咗个All Day Breakfast (价钱为$98)，味道上唔错。All Day Breakfast 包括蘑菇、炒蛋、烟肉、司华力肠同埋一片面包。而我就好欣赏佢块面包，另外，炒蛋亦炒得嫩滑。整体份量足够，不过食量较大嘅朋友就可能唔够饱。🤭除咗All Day Breakfast之外，我哋仲叫咗杯Flat White同Hojicha Latte(冻 $48)。Hojicha Latte味道唔甜而且重焙茶味，本身钟意饮焙茶嘅话，绝对值得一试！而朋友叫嘅Flat White，奶嘅比例唔错，味道香浓。