EAT ME Bar & Restaurant (已結業)

新年之后都冇食过西餐，见今晚冇饭食，就约咗朋友一齐嚟旺角食饭。 朋友介绍咗间楼上嘅西餐厅，见地点方便就去左食。虽然系楼上餐厅，但系装修都好有格调。职员安排咗我哋坐一张望街景嘅吧枱，食落好有旺角风味。见二人套餐几丰富，就拣咗黎食，又唔驶谂咁多。水龙卷首先嚟到嘅，系呢杯叫水龙卷嘅特饮。其实佢系蓝糖荔枝梳打配忌廉，卖相一流，饮落好重荔枝味。Oreo脆脆特浓朱古力与其话呢杯系特浓朱古力，我会话呢杯系特浓oreo，饮落几乎啖啖都系Oreo，非常丰富。是日餐汤+是日沙律虽然系跟餐嘅沙律同汤，但都绝对唔差。汤系忌廉蚬汤，算系几足料。阿根廷红虾龙虾汁扁意粉真系要特别讲下意粉个汁，真系好香浓，同意粉配合得非常惹味。呢两只红虾亦都非常厚肉，食落好有口感。慢煮美国法式猪鞍扒 配 苹果酱猪鞍扒肉质鲜嫩，烹调上亦唔会太煮得太老。 猪鞍扒配以苹果酱，大大减低猪鞍排嘅油腻感。伴碟配上烟肉薯蓉，令菜式更有风味。另外都追加左伴碟，分别嗌左一客菠菜芝士焗蚝同带子。Movenpick雪糕相信都唔使点介绍，雪糕为晚餐画上完美嘅句号。