M2 Cafe (已結業)

在人来人往的铜锣湾要揾个舒适宁静嘅地方品尝美食系一件唔容易嘅事，今日竟然俾我偶尔揾到但大前提系要行楼梯上三楼，为咗食乜都制一入到门口，感觉空间宽阔，内有舒适嘅梳化位，而露台有照顾吸烟人士嘅吸烟位。睇完一轮餐牌，点咗香辣鲜虾茄汁意粉及黑松露忌廉汁什菌意大利饭套餐。首先嚟个凯撒及柚子田园杂菜沙律，凯撒酱较一般嘅酸，感觉开胃；而柚子酱太甜，感觉不太合适。意大利饭好香口，饭粒嘅口感恰到好处，饭粒做到外软内硬，每啖饭都充满黑松露及什菌嘅香意粉面质口感一流，虾够弹牙，可惜太香辣，盖过晒茄汁嘅味道不过总括都好好食饭后向侍应点咖啡嘅同时要求要两杯水清除一下口腔内嘅余香，准备一下叹咖啡，侍应竟细心为点冻咖啡嘅客人安排冻水，热咖啡嘅则安排暖水，实在意想不到嚟到咖啡店嘅主菜 ~ 咖啡，冻榛子咖啡嘅榛子味同咖啡味互相辉映，加上香滑嘅奶味，不错嘅选择；热薰衣草咖啡卖相一流，不过可惜过甜及花香味过浓而变得苦涩总括来说，以这价钱喺这区食到这般美食及享受这优质嘅服务，实在物超所值