Big John (已結業)

喺尖沙咀呢个地段附近，澳门茶餐厅，池记，翠华，兰芳园经常都系国内同胞打卡嘅地方，要避免大排长龙，Big John可能系其中一个选择⋯⋯呢度地方细细，但系食物种类非常多。除了招牌嘅格仔饼同炸猪扒，以前早餐都会点粥，平时就点什扒饭，都系贪佢够大份，大食嘅我一定够。另外手撕鸡好开胃，佢配个酸辣酱同酸青瓜一流。沙葛鱼蓉云吞都唔错。我嘅至爱就系炸酱辣肉捞乌冬，好啱我口味，不过要星期六至有，而且迟去都好快卖晒！今次试嘅泰式肉碎捞面就明显差一截，肉碎太多，而且太干身，冇咁惹味！炸猪扒就保持水准，仲有柠乐煲姜，真系冇乜餐厅有，总是满足的一餐！