影片
更多
2017-11-19
64 浏览
在旺角揾野食不难，要揾好野食而且环境宁静坐得耐的就有点难，星期日下午三点的旺角，没一个地方是静的，正好下午茶时间，一行四人为了等傍晚睇戏，找到金鸡广场19楼这个闹市中的隐世cafe歇脚。一出电梯19楼就见到To-Gather Cafe, 估不到内里环境咁宽敞，卡位超阔落，坐8个人都得，梳化也很舒适，行街行得累来坐最好；有个角落放满了board game可以玩，成班朋友来食野歇脚，可以玩到半日啊！好惊喜！正好有下午茶餐，跟一杯$32的饮品，可以转其他饮品补差价就得，咁要试下d特别饮品啦！榛子朱古力冻饮$37，生姜蜜热饮$37,跟餐叫每杯补$5 差价，榛子朱古力饮左一啖，忍唔住叫出来，好好味啊！上面有奶泡，唔止卖相靓，其实系要拌匀来饮，令榛子朱古力增添奶味和幼滑口感；榛子味很香浓，与朱古力一起是永恒的拍档，饮一啖即刻醒神！生姜蜜热饮很清甜，够姜味得来不会有辣的感觉，今日气温骤降，想驱寒暖身啱晒！猪扒蛋出前一丁面 $51,呢个系下午茶餐，块猪扒有半个碗咁大块，食落肉质好爽口不会太干，没有用太多调味料腌制，反而令猪扒肉味更香。而出前一丁面仲好爽口弹牙，汤用返出前一丁麻油味汤底，哈哈，绝对有茶餐
一出电梯19楼就见到To-Gather Cafe, 估不到内里环境咁宽敞，卡位超阔落，坐8个人都得，梳化也很舒适，行街行得累来坐最好；有个角落放满了board game可以玩，成班朋友来食野歇脚，可以玩到半日啊！好惊喜！
正好有下午茶餐，跟一杯$32的饮品，可以转其他饮品补差价就得，咁要试下d特别饮品啦！
榛子朱古力冻饮$37，生姜蜜热饮$37,跟餐叫每杯补$5 差价，榛子朱古力饮左一啖，忍唔住叫出来，好好味啊！上面有奶泡，唔止卖相靓，其实系要拌匀来饮，令榛子朱古力增添奶味和幼滑口感；榛子味很香浓，与朱古力一起是永恒的拍档，饮一啖即刻醒神！
生姜蜜热饮很清甜，够姜味得来不会有辣的感觉，今日气温骤降，想驱寒暖身啱晒！
猪扒蛋出前一丁面 $51,呢个系下午茶餐，块猪扒有半个碗咁大块，食落肉质好爽口不会太干，没有用太多调味料腌制，反而令猪扒肉味更香。而出前一丁面仲好爽口弹牙，汤用返出前一丁麻油味汤底，哈哈，绝对有茶餐厅风味，但喺西餐风格嘅cafe 出现，感觉真系好新派 !
另一个下午茶餐吉列鱼柳沙律$51,好有惊喜，因为个田园沙律好足料，有沙律菜、生菜、车厘茄、青瓜、粟米，淋上日式芝麻酱，感觉完全系西餐厅嘅沙律前菜咁！炸鱼柳有三块，炸得够干身，好脆，里面鱼柳唔会有一层油喺度，但系水分充足，外脆内滑，厨师工艺技术应该唔错，沙律酱上面洒咗香草，点鱼柳食，多一份清新香味，不会油腻，推介。
小食方面，先来一个泰式炭烧猪颈肉$52, 一上桌已闻到好香bbq味，见到有炭烧的微焦，味道有啲烧烤蜜糖味，甜甜地，又香又有肉汁。
点埋鱼露食更加惹味，因为鱼露咸咸地，加咗辣椒蒜蓉等调味，可以调起猪颈肉的香味，佢仲有 椰菜垫底，我用鱼露捞埋椰菜当沙律菜食，真系食个碟底朝天，一点也不浪费！
盐酥鸡粒$48,好啱几个朋友一齐share。
本来惊会唔会食得太咸，但食左第一粒就知好味！因为炸得好松化，里面鸡肉唔会干争争，而系好多肉汁，鸡肉粒好滑，外面洒上的椒盐唔系得个咸字，佢应该落咗梅子粉调味，有好轻微嘅酸甜味，和淡淡的梅子香，我觉得比起士林夜市的盐酥鸡更好吃。
蒜香鸡翼$52,有六只大鸡翼，炸得好靓。
上面铺满 炸蒜蓉，卖相吸引，一咬开，脆皮内流出热辣辣的肉汁，辣亲嘴添，鸡翼肉好滑，最钟意佢咸淡适中，唔会似平时街边小食，越食越咸。
食到最后，女士们都系要来个甜品结尾。点咗个 纽约芝士蛋糕，有朱古力酱伴碟，一切开，是见到的松化，没有多余的气泡，证明芝士饼受热很均匀，吃著每一口都是芝士和柠檬味，不会有些质感松有些质感硬，这是很考厨师的工艺呢！除了吃，我还很欣赏厨师的技巧啊！
埋单加一后$325,本来谂住歇脚，结果食左咁多小食，最喜欢呢度空间够大，适合成班friend一齐嚟玩下board game 倾下计，就算得一个人嚟，都坐得好舒服好宁静，下次嚟旺角要揾地方坐，又多一个选择。
张贴
