河內大娘越南餐廳 (已結業)

今日同朋友行开尖嘴， 想食越南野又唔想拣大集团，行过就入左呢间小店。舖内有20座位左右，灯光较暗，仲有d越南摆设，睇得出都有落左心机。我同朋友就叫左两个主菜同一个沙律share食。两个主菜仲要系系其他连锁店未见过既，要食紧系试新野！首先黎系两杯饮品，莲子龙眼冰清甜滋润唔会死甜，加埋煲得好林好粉既莲子，饮得又食得，唔错唔错。再黎一杯青柠梳打，比较淡身但好够气。 栖子大虾沙律用既系红肉柚子，开头仲惊会苦涩，但加埋酸酸甜甜既汁同生洋葱，成件事好多层次。大虾方面有两只，好细心地剥埋虾身既壳。只虾烧到有少少焦香味，虾味一d都唔弱，系略嫌熟左少少。顺化粉一黎到， 见到材料好丰富，有牛𦟌，牛栢叶猪红同札肉。汤一黎紧系试下个沙底，汤底望落好清，饮落食得出有虾味，微辣但又唔会见到油林林，感觉系无味精。牛𦟌够林有牛味，我觉得最出色系佢个札肉，平时食开都系一旧粉，食落冇口感，呢个唔同，有d似我系越南食过个款，入面有一粒粒好似猪耳碎系到，爽爽地值得推介！奥巴马粉有一团檬粉，隔离有碗酸萝卜汁，我谂好似沾面咁，点汁食既。个猪肉粒出奇好食，中意香芽既人绝对唔可以错过，劲香浓！猪肉睇上去好似煎到好老，但一落完全唔觉，