影片
更多
2023-10-02
1391 浏览
丫妹刚刚考完试约食饭, 知我中意食铁板烧, 话前排经过花园街新开咗间铁板烧, 晚市人均最平四百蚊左右就食到, book定台今晚同我食咗餐。餐厅以墨绿色做主调, 三组铁板位, 另有少量坐台位。铁板位可以近距离欣赏师傅煮理食物过程。多款套餐价钱选择, 另供应散点, 我地最后都拣咗个最抵食嘅一人前铁板烧餐, 套餐跟前菜、沙律、季节蔬菜、面豉汤、炒饭/白饭主食(自选一款)+鲍鱼+大虾+带子/三文鱼/鱿鱼(自选一款)价钱就视乎所选主食为定价。我地同样拣咗---美国牛肉薄烧 HK$368/位 先送上前菜、沙律,沙律有新鲜蔬菜沙律、番茄、粟米粒, 配咗芝麻酱, 清新。铁板厨师趁住我地食紧沙律时, 已开始煎煮鲍鱼+大虾+三文鱼,厨师同时一炮过处理多款食物, 极有效率, 整餐铁板烧只用咗一个钟多少少就食完。(好少可食铁板烧dinner可以咁快)鲍鱼仲好生猛, 在铁板上仲会不停郁, 加咗牛油去调配, 再以黑椒调味, 带出了鲍鱼本身鲜味, 口感爽而不硬。大虾: 虽然虾头冇咩虾膏, 不过口感好爽弹, 几鲜。三文鱼: 煎得有油光焦黄, 鱼质唔会好柴。美国牛肉薄烧:厨师会先问每位食客想食几多成熟, 而我就拣咗五成
餐厅以墨绿色做主调, 三组铁板位, 另有少量坐台位。铁板位可以近距离欣赏师傅煮理食物过程。
多款套餐价钱选择, 另供应散点, 我地最后都拣咗个最抵食嘅一人前铁板烧餐,
套餐跟前菜、沙律、季节蔬菜、面豉汤、炒饭/白饭
主食(自选一款)+鲍鱼+大虾+带子/三文鱼/鱿鱼(自选一款)
价钱就视乎所选主食为定价。
我地同样拣咗---美国牛肉薄烧 HK$368/位
先送上前菜、沙律,
沙律有新鲜蔬菜沙律、番茄、粟米粒, 配咗芝麻酱, 清新。
铁板厨师趁住我地食紧沙律时, 已开始煎煮鲍鱼+大虾+三文鱼,
厨师同时一炮过处理多款食物, 极有效率,
整餐铁板烧只用咗一个钟多少少就食完。(好少可食铁板烧dinner可以咁快)
鲍鱼仲好生猛, 在铁板上仲会不停郁, 加咗牛油去调配, 再以黑椒调味, 带出了鲍鱼本身鲜味, 口感爽而不硬。
大虾: 虽然虾头冇咩虾膏, 不过口感好爽弹, 几鲜。
三文鱼: 煎得有油光焦黄, 鱼质唔会好柴。
美国牛肉薄烧:
厨师会先问每位食客想食几多成熟, 而我就拣咗五成。
牛肉薄烧包住了脆蒜、大量葱粒, 牛肉带点焦香, keep到肉汁, 包住嘅配料令牛肉香气更提升。
炒饭炒得粒粒分明, 但味道偏淡, 虽然加咗肉碎, 不过食落同食紧白饭冇分别。
最后有面豉汤同埋甜品酥脆多士,
多士微脆, 面层有香甜焦糖, 微甜美味。
餐厅所有饮品都由隔离相连嘅COMMA饮品店提供,
而铁板烧套餐亦提供半价加配精选饮品,
亦可以单点其他特色饮品,
【喳咋瀑布】HK$38
追加咗椰果, 喳咋中有多种豆类, 味道唔错, 不过糖水同喳咋分层, 不能搅拌平均, 配搭感觉唔太match。
【腐竹鸡蛋冰号】HK$38
呢杯值得推介, 沙冰打得幼细, 少少甜, 很有腐竹鸡蛋糖水味, 不过本身就冇任何配料, 所以追加咗oreo碎同埋西米, 增加返少少口感。
张贴
