スーパー丼 (駱克道) (已結業)

丼饭一直系港人至爱。想食有质素价钱又合理嘅我觉得呢间「 スーパー丼 」都唔错。记得初初帮衬时只有铜锣湾店，而家佢哋喺大埔及佐敦都有分店喇。相隔咗一段时间再去帮衬スーパー丼，发觉餐牌上添加咗好多款色嘅丼同埋小食。难怪而家佢哋个餐牌成本书咁厚😂▫️松叶蟹肉和牛丼 (HKD128)▫️海胆和牛丼 (HKD168) 虽然以上两款丼都系以和牛做主角，但各有各嘅特色，仲要系店家人气丼呢。「海胆和牛丼」呢个丼饭应该俾海胆抢咗镜😂 价钱$200都唔洗，俾高质海胆你食仲想点😂😂「松叶蟹肉和牛丼」有一定份量嘅松叶蟹肉同埋蟹籽，实物跟餐牌图片上嘅差唔多，冇照骗啊🤣 蟹肉都几鲜甜，捞饭食几正。肩板腱和牛铺满喺啲米饭上面，淋上少少烧汁，熟度系五成，如果想改生熟程度嘅话落单时同店员讲声就可以。和牛肉质软嫩但肉汁唔够。整体嚟讲呢两个丼饭CP值算高。▫️唐扬鱿鱼须 (HKD38) - 鱿鱼须变咗鱿鱼圈🤣不过唔紧要，最紧要系新鲜炸起又好味😋 唔系炸浆劲厚鱿鱼圈好幼𠮶只。$38一份以为只系得几件，点知原来有咁多件㗎😱。其他我想食嘅人气小食例如明太子鸡翼、芝士年糕等唯有等下次喇😋😋