影片
更多
2023-05-16
37 浏览
同朋友仔去銅鑼灣血拼成個人散晒，朋友就帶咗我嚟呢間餐廳chill返下…朋友一坐低就話要點個Happy Hour手打安格斯牛肉漢堡配薯條套餐，唔怪得專程帶我嚟，原來呢度都有得飲返杯~手打安格斯牛肉漢堡夠晒厚身，咬落鬆軟唔會死實實! 漢堡食落juicy又有香濃牛味，仲有牛油脂嘅甘香，配有脆卜卜煙肉，生菜同蕃茄，平衡膩感。套餐可選配朝日啤油或1664 Blanc，見朋友一啖啤酒一啖漢堡，頭先血拼完嘅倦意即刻無晒~我就點咗松葉蟹肉軟殼蟹飯，真心覺得唔錯。軟殼蟹有肉地，唔係瘦猛猛得個皮個d，仲有d蟹羔tim!外層炸漿唔會過厚，入口香脆唔會乾爭爭!仲有粒粒蟹子同絲絲蟹肉伴勻成個飯，增加口感之餘又提升鮮味!貪食嘅我另外追加西班牙火腿同酸種麵包，火腿夠油潤而麵包就鬆軟得嚟帶點煙靱! 好好味~仲有燒虎蝦帶子田園沙律配檸檬油醋汁， 虎蝦同帶子都煎得金黃香口，配喺綠油油嘅沙律菜上養眼又開胃!雖然入夜，但去到Café真係好想飲咖啡，好彩呢度有decaf選擇，飲完成個人鬆晒~~
朋友一坐低就話要點個Happy Hour手打安格斯牛肉漢堡配薯條套餐，唔怪得專程帶我嚟，原來呢度都有得飲返杯~手打安格斯牛肉漢堡夠晒厚身，咬落鬆軟唔會死實實! 漢堡食落juicy又有香濃牛味，仲有牛油脂嘅甘香，配有脆卜卜煙肉，生菜同蕃茄，平衡膩感。
套餐可選配朝日啤油或1664 Blanc，見朋友一啖啤酒一啖漢堡，頭先血拼完嘅倦意即刻無晒~
我就點咗松葉蟹肉軟殼蟹飯，真心覺得唔錯。軟殼蟹有肉地，唔係瘦猛猛得個皮個d，仲有d蟹羔tim!外層炸漿唔會過厚，入口香脆唔會乾爭爭!仲有粒粒蟹子同絲絲蟹肉伴勻成個飯，增加口感之餘又提升鮮味!
貪食嘅我另外追加西班牙火腿同酸種麵包，火腿夠油潤而麵包就鬆軟得嚟帶點煙靱! 好好味~仲有燒虎蝦帶子田園沙律配檸檬油醋汁， 虎蝦同帶子都煎得金黃香口，配喺綠油油嘅沙律菜上養眼又開胃!
雖然入夜，但去到Café真係好想飲咖啡，好彩呢度有decaf選擇，飲完成個人鬆晒~~
张贴
