霸嗎拉麵 (已搬遷) 新店位置

今日约左朋友仔去铜锣湾行街，衬住时间未到就梗系去登龙街揾下好嘢食啦，听朋友之前讲过依间日本拉面好正，今日一于试下先！ 一入到去已经好中意佢既装修，充满日本既风味，好似去左日本街头食面一样！ 今日点左佢地最出名既炙烧豚肉海苔味玉拉面，一嚟到已经闻到好香既汤味，面煮得软硬适中，吾会太硬又吾会太软，至于叉烧不得不赞，煮到完全淋晒，之后再用火系表面烧一烧增加香味，真系好食到不得了！流心蛋既时间都掌握得好好，一咬落去啲蛋汁出晒嚟，真系好味到震啊！ 另外叫左个唐扬炸鸡，依个真系一定要一试，炸得好啱时候，外层好脆好香，入面就刚刚好熟透，完全吾鞋口，鸡肉好滑！ 朋友真系无介绍错，一于下一次再约齐朋友仔嚟再食下其他嘢！