蘭芳園

营业中

休息中

今日放假，打算去大馆参观下。系参观之前，因为有朋友仔系中环返工，顺便揾佢食午餐。我朋友就介绍我黎呢间餐厅，由于系放饭时间，我就一早左15分钟黎到揾位。一去到，已经见到门外已经排左一条队，冇得攞飞。起初以为要等好耐，但都系等左大约10分钟左右（可能因为我地系3位）🤣我地一坐低已经好快决定食乜，二话不说地叫野食。叫左个罗宋汤鸡蛋猪扒通粉、喇沙猪扒通粉配奶油猪仔包。餐厅里面有少少迫，好明显呢度系食快饭，因为叫左冇耐，就已经到左2碗午餐。我就食呢个罗宋汤，睇个样已经好吸引，因为又有丰富番茄🍅薯仔，一d唔求其。食落去都好浓郁既罗宋汤😋😋😋另外，两个朋友仔就叫左喇沙汤。闻落去都几香，不过我个人不太喜欢喇沙味，我朋友就觉得都不错。最后，呢个奶油猪仔包样貌好平平无奇，谂住都唔太好食。点知，食落去又有少少惊喜，因为都脆口，同埋面包外面都有少少甜味、都好松软。