小桃咖啡室 (已結業)

之前食过薯仔屋，应该系同小桃屋同一个老细。小桃屋就脚好多，喺利舞台隔离，好易揾。地方比薯仔屋细啲，窗口位对正铜锣湾闹市两部大萤幕，有啲残眼。叫左个二人套餐，有前菜，一个意粉，猪仔骨，小食同甜品。份量预得岩岩好，唔洗浪费。前菜系蒜蓉包配吞拿鱼长通粉，蒜蓉包香脆入味，唔会干争争，长通粉中规中矩啦。小食叫左蜜糖汁鸡翼，上次喺薯仔屋食过一次觉得好好食，可惜小桃屋呢个鸡翼无咁入味，个面唔够多蜜糖，食落无乜味，少少失望卡邦尼意粉，呢个好出色，好多地方个卡邦尼汁一系整到水汪汪，水浸咁，一系杰过头。呢度个汁浓度岩岩好，食完只碟都几干净酱烧猪仔过配薯条，保持到水准，入味之余骨肉好易分离，唔会食到劲痴牙，薯条配𠮶个酱超惹味。仲叫左杯热榛子朱古力饮，呢度饮品比我想像中大杯，感觉几抵饮，偏甜左少少。