小桃咖啡室 (已結業)

虽然铜锣湾好多间楼上Cafe，但唔系间间都有好质素，咁啱朋友介绍左呢间，咁一于去试吓啦。一上到去，见到啲环境装修都好靓，好适合情侣或者一大班朋友去，仲有得坐系出面，可以睇到铜锣湾嘅风景。咁我哋就叫咗个烟三文鱼意粉，啲烟三文鱼食落唔会太咸，个意粉就好香好入味。个蒜蓉包够晒脆同香口，可惜得一旧呀。呢个串烧拼盘鸡牛猪各有三条，可以几个朋友分黎食。个牛食落好香，而且煮嘅时间啱啱好，唔会太硬或者咬唔烂。而个鸡都好嫩滑而且好够味，唔使点酱已经好好食。呢个意粉就好有香甜既茄汁味，食落酸酸甜甜咁好开胃，搞到我都忍唔住食咗几碗，衬埋d蘑菇真系100分呀。原来呢度仲有间VIP房，入面有得打机又有得玩 board game，啱晒一大班朋友来玩啊，等我下次gathering提议下黎呢度先。