影片
更多
2008-02-20
24 浏览
** 此食肆的第一个笑**前日(18-2-2008 Mon)放晏昼假,拎o野出o黎深水(土步)畀男友人CK,顺便食饭兼逗利是.我o地谂过去西九龙中心8楼o既意大利当拿屋或荣发茶餐厅,但CK否决o左前者,话o个o度唔系咁干净㖞,于是我o地去后者啦,但中途被我遇见返呢间.于是提议,我o地驻足睇睇,好彩有o岩佢食斋o既杂菜炒饭,于是我o地入去lu.呢o度舖仔细细,但装修好靓,CK话其实呢个舖位转o左好多手,呢啲装修系上手卖云吞面o既,成$20.00碗,边做得住?所以执o左.我o地叫o左:1. $10.00 o既鸡肉薄饼呢个先到,系我食o既,其实o系印度薄饼内加入鸡肉.我试吓先.唔….有膻味,正常o既,印度菜嘛,鸡肉以近乎浆状加入薄饼内,几得意.但我觉得辣.3. $10.00 o既香蕉薄饼呢个系CK睇睇吓想试又o岩佢后加o既,由于我食o左辣o既o野,话食甜o野可以中和返辣味,而CK都畀啲我试.好味啊,佢系甜,但o岩o岩好,而且好好味.2. $25.00o既杂菜炒饭呢个系CK o既,佢都分啲畀我,佢话好辣,当我中和返鸡肉薄饼o既辣味后,就试呢只,唔系啊,唔辣啊,料唔多,有腍晒o既薯仔,红萝卜同唔
前日(18-2-2008 Mon)放晏昼假,拎o野出o黎深水(土步)畀男友人CK,顺便食饭兼逗利是.我o地谂过去西九龙中心8楼o既意大利当拿屋或荣发茶餐厅,但CK否决o左前者,话o个o度唔系咁干净㖞,于是我o地去后者啦,但中途被我遇见返呢间.于是提议,我o地驻足睇睇,好彩有o岩佢食斋o既杂菜炒饭,于是我o地入去lu.
呢o度舖仔细细,但装修好靓,CK话其实呢个舖位转o左好多手,呢啲装修系上手卖云吞面o既,成$20.00碗,边做得住?所以执o左.
我o地叫o左:
1. $10.00 o既鸡肉薄饼
呢个先到,系我食o既,其实o系印度薄饼内加入鸡肉.我试吓先.唔….有膻味,正常o既,印度菜嘛,鸡肉以近乎浆状加入薄饼内,几得意.但我觉得辣.
3. $10.00 o既香蕉薄饼
呢个系CK睇睇吓想试又o岩佢后加o既,由于我食o左辣o既o野,话食甜o野可以中和返辣味,而CK都畀啲我试.好味啊,佢系甜,但o岩o岩好,而且好好味.
2. $25.00o既杂菜炒饭
呢个系CK o既,佢都分啲畀我,佢话好辣,当我中和返鸡肉薄饼o既辣味后,就试呢只,唔系啊,唔辣啊,料唔多,有腍晒o既薯仔,红萝卜同唔知咩,不过都OK.但原来食到最后至辣o既,我又要食埋件香蕉薄饼喇.
4. $7.00o既热印度奶茶
其实我要冻o架,因为冇开冷气同啲o野食辣.不过老板话冇冻,但又想试印度奶茶,于是热都要啦.
o黎到,个杯有一粒粒黑色o既唔知咩o野,饮一啖先,好淡,茶同奶味都冇,唔滑.于是加两茶匙糖,都系冇咩分别.一粒粒黑色o既应该系印度茶叶o挂.
呢o度舖仔细细,但都好干净企理,比原本谂住’up dup’好好多.
呢o度饮水都要$5.00杯,可能因为o野食真系平啦.
张贴
