影片
更多
2021-11-27
994 浏览
因为临近圣诞，当然要约下啲好友相聚。朋友推介呢间法国私房菜，一班姊妹当然冇反对，呢一间餐厅距离地铁站只有几分钟，系一座商业大厦嘅23楼里面，地方细细哋，但系坐得舒服，而且窗外嘅街景亦都开扬，对环境绝对唔会投诉，不过亦都因为地方比较细，而且今晚个场满晒人，隔离枱讲嘢又鬼咁嘈，除了我对耳有啲受苦外，大家姊妹倾计都要大声啲；所以如果以为呢间法国餐系会有个好浪漫好静嘅环境畀你嘅话，就绝对要考虑清楚，若果唔介意嘈到好似酒楼咁嘅，都可以接受。 最后成班姊妹每人食咗一千蚊。今晚Set Dinner 有三个畀你选择， A) 前菜+主菜+甜品 B) 前菜+汤+主菜+甜品 C)前菜x2+汤+主菜+甜品，我哋大家都系拣咗 Set Dinner B，再加上大家都带咗啲白酒红酒同埋香槟，散好好享受一个晚餐。 「餐前面包」由于仲有姊妹味道，大家有啲肚饿，又开始想饮啲酒，唯有食下啲面包顶住肚！ 啲面包好软好甜好好味， 当晚啲面包完全同啲白酒系绝配， 面包有两款， 一款系提子包，另一款系芝士面包，里面有一粒粒芝士。「香煎鹅肝配红桑子汁」鹅肝煎得香脆金黄，入口即溶，加上配红桑子汁，个口感令人无比兴奋。本身鹅肝入口较为有
今晚Set Dinner 有三个畀你选择， A) 前菜+主菜+甜品 B) 前菜+汤+主菜+甜品 C)前菜x2+汤+主菜+甜品，我哋大家都系拣咗 Set Dinner B，再加上大家都带咗啲白酒红酒同埋香槟，散好好享受一个晚餐。
「餐前面包」
由于仲有姊妹味道，大家有啲肚饿，又开始想饮啲酒，唯有食下啲面包顶住肚！ 啲面包好软好甜好好味， 当晚啲面包完全同啲白酒系绝配， 面包有两款， 一款系提子包，另一款系芝士面包，里面有一粒粒芝士。
「香煎鹅肝配红桑子汁」
鹅肝煎得香脆金黄，入口即溶，加上配红桑子汁，个口感令人无比兴奋。本身鹅肝入口较为有一种肥腻嘅感觉，所以有水果伴碟，令你经常保持清新。
「洋葱汤」
通常啲人都咁龙虾汤，但系我同另一位姊妹就拣咗洋葱汤， 因为要煮得一手好嘅洋葱汤系要好讲技巧，虽然呢度洋葱汤姆一个酥皮包住，但系仍然味道香浓，唔会太咸或者太甜，味道适中。
「澳洲羊架配芥末汁」
叫咗个medium rare嘅羊架， 羊架虽然分量细细， 但系相信系优质嘅羊架，羊肉软淋淋冇黐牙，加埋个芥末汁， 真系食到舐舐脷。
「法式焗油封鸭脾」
姊妹叫咗呢一个焗油封鸭脾，话系嚟到呢度一定要食，油封鸭脾焗度外脆内软， 鸭肉嫩滑，配埋啲汁都好好味。
「法式焦糖炖蛋」
Creme Brulee！焗得啱啱好，好滑身！
「苹果挞配吉士打汁」
苹果批薄薄一片， 上面有一个云呢拿雪糕， 吉士打汁亦都唔系特别多，所以反而觉得呢一个甜品冇咩特别惊喜， 当然甜品嘅嘢， 有阵时都系送酒好伴侣。
15 浏览
0 赞好
0 留言
张贴
