Pain Perdu salon de thé (已結業)

尼间新开无几耐嘅小店，主打多款法式多士，有咸亦有甜。原来店名Pain Perdu系有「迷失」的意思，所以法式多士就命名为迷失的面包。店舖由外到内都营造到好似法国小店的感觉。厨窗上有法国艺术绘图，挂墙装饰亦几特别！眼见menu迷失的面包甜食有7款(原味、肉桂焦糖、苹果、士多啤梨、蜜瓜、芒果、杂莓)，咸食就有4款(烟三文鱼、火腿、白菌、芝士三重奏)。甜食感觉上较有吸引力叫咗其中两款甜食，原味同肉桂焦糖味。 多士唔算好大块，就系一片厚切法包。多士围边香脆，中间位置相对较淋，上面配有自家制牛乳雪糕及忌廉各一球。原味系配蜜糖sauce，另一款当然系配焦糖sauce加肉桂粉。牛乳雪糕有啲icy嘅，不过奶味还算可以，若果口感creamy啲会更好。