帝廷酒家 (已結業)

夜晚同屋企人黎食饭,座位宽阔,而且人流唔算多,净净地几舒服。我地叫左个4人餐,388蚊,竟然有4个小菜同埋冬瓜盅!先黎既系翠玉瓜炒斑块同烧味拼盘!翠玉瓜炒斑块:翠玉瓜爽口而且鲜甜,斑块大件而且弹牙。烧味拼盘:重点系叉烧度,佢就系传说中既半肥瘦叉烧!有爽口既肉质又有肥美既肥膏,有住黄金比例(7:3),加上蜜汁既升华,好好味道!至于鸡就正常发挥;烧鹅就有少少瘦,但个皮都算香口;同埋有中华海藻有少少surprised.碧绿花姿珊瑚蚌:西芹新鲜可口,花姿片淋淋地,唔会太''un''好难咬,珊瑚蚌口感爽脆!带蒜香既''献''汁巧妙地将三种食材融合!咕噜鸡球:口感香脆,鸡肉嫩滑,甜酸酱较得岩岩好,唔会太酸。青椒同洋葱唔会太多,唔会喧宾夺主!冬瓜盅虽然睇落细细地,但每人都饮到两碗!而且都好足料:虾肉蟹肉鸡肉粒有齐,而且选材新鲜!遗憾系d冬瓜煲得有少少唔够淋。