Terrace in seaside (德福廣場1期)

营业中

休息中

难得星期五，今日放低大大细细，可以同朋友去Chili下，正~呢间店有室外、室内，木质枱櫈，个个店员带住顶橘子帽，感觉好清新，好fresh!泡菜猪肉芝士千层面好特别的Fusion菜，每层有泡菜猪肉代替肉酱，酸酸辣辣，好开胃，芝士味唔浓，泡菜味盖过，但一样好好味。烧酱油黑毛猪白切肉紫苏饭个饭压到扁扁的，好特别,但又唔会好硬，少少辣辣地，不过好惹味，绝对接受到，加埋葱，美味配搭。不得不提系烧酱油黑毛猪白切肉，D肉好厚，膏肉分明，咬落去d膏响口内溶化，肉质弹牙，配合个烧酱汁味道一流。清甜柑橘窝夫窝夫上枱热辣辣，即叫即制，好重蛋香味。咬落口，D边重系脆的，配埋橘子既酸甜，清新美味之作。洋甘菊桂花茶一般，洋甘菊味重，感觉唔到桂花味，亦无桂花香，像一般洋甘菊茶。济洲柑橘乳酸梳打卖相好正，颜色相当吸引，乳酸味不够浓，但也清新解渴。