Coffee on the Sand (已搬遷) 新店位置

今次系我第2次试呢到嘅土耳其咖啡，系旺角嘅街头，你会发现有个小舖位播放住土耳其音乐，会有位好健谈嘅老板，为你烹调土耳其咖啡，充满异国风情!土耳其咖啡比较浓厚，味道偏酸，我饮嘅系$45嘅热milk coffee。一般黎讲，都只有热饮，但为迎合香港人口味，有冻热饮可以简。故名思义，Coffee on the Sand，煮咖啡嘅器皿以沙传热煲滚咖啡，净系睇佢煮嘅过程已经觉得好新鲜! 毕竟平日好难得系街头见见到有人煮土耳其咖啡，值得一试!!另外，偏爱古典物嘅我，对佢个水壶情有独钟!土耳其老板亦好nice好好倾，第一次去时，老板仲请我食左粒土耳其糖。相比去咖啡店享受一成不变嘅招待，有意外惊喜反而更令我印象深刻! 今次再倾起，佢都仲记得!系呢个繁忙嘅旺角闹市中，如果大家行经呢度，都不妨试下呢种异国风情!