影片
更多
2022-08-01
54 浏览
大家都知观塘工厦有好多隐世小店，上次系Boon食过返寻味，今次黎到呢间佢新开咗冇几耐嘅姊妹店Honbu，餐厅主打以不同亚洲style糅合而成嘅西式fusion菜。Café设室内及户外座位，室内装潢走简约木系路线，户外座位就比较度假风，设计几有空间感，打卡一流。➤ 夜市粟米棒($58)喺粟米表面扫上秘制台式酱汁，拎去grill到焦香后再整齐地切成块状方便食用。烤过嘅粟米又甜又多汁，食得出有好香浓嘅花生酱同bbq酱味，咸咸甜甜滋味十足😋➤ 猪颈肉沙嗲黑麦包 ($108)黑麦包表面堆满猪颈肉条同火箭菜，Visually非常大碟，好似多到要跌出黎咁! 猪颈肉以沙爹酱炒香过，食落焦脆可口，味道极为浓郁，配埋rocket salad一齐食绝对可以中和腻感，可惜我麻麻火箭菜果只苦涩草青味☹️ 黑麦包系一款较健康既面包黎，包身微微烘过，食落带麦香味，质地几松软。➤ 蟹黄蟹肉意大利面 ($138)以蟹膏同埋咸蛋黄煮成嘅酱汁挂满喺每条意粉上，表面再洒上蟹肉增加鲜味。整体香气四溢，每啖都食到蟹味精华，咸咸香香非常惹味。➤ 法式多士 ($48)此french toast不同彼french toast，呢款正宗法
➤ 夜市粟米棒($58)
喺粟米表面扫上秘制台式酱汁，拎去grill到焦香后再整齐地切成块状方便食用。烤过嘅粟米又甜又多汁，食得出有好香浓嘅花生酱同bbq酱味，咸咸甜甜滋味十足😋
➤ 猪颈肉沙嗲黑麦包 ($108)
黑麦包表面堆满猪颈肉条同火箭菜，Visually非常大碟，好似多到要跌出黎咁! 猪颈肉以沙爹酱炒香过，食落焦脆可口，味道极为浓郁，配埋rocket salad一齐食绝对可以中和腻感，可惜我麻麻火箭菜果只苦涩草青味☹️ 黑麦包系一款较健康既面包黎，包身微微烘过，食落带麦香味，质地几松软。
➤ 蟹黄蟹肉意大利面 ($138)
以蟹膏同埋咸蛋黄煮成嘅酱汁挂满喺每条意粉上，表面再洒上蟹肉增加鲜味。整体香气四溢，每啖都食到蟹味精华，咸咸香香非常惹味。
➤ 法式多士 ($48)
此french toast不同彼french toast，呢款正宗法式多士同港式西多士嘅做法好唔同架。先将厚切多士浸泡加入左牛奶同云呢嗱香油嘅蛋液, 再以慢火将面包两面煎至金黄微焦。表邪淋上枫糖浆，再洒上金宝脆脆及野莓脆粒，食落质感焦香软绵，好重牛油香同奶香。
➤ 士多啤梨乳酪沙冰 ($58)
夏日热辣辣，饮沙冰消暑解渴😋 士多啤梨果香十足，饮落出系真材实料，仲带点微微乳酪味，酸酸甜甜好清爽。
➤ 朱古力奶泡 ($48)
采用法国可可粉冲制，朱古力味极浓郁，奶泡以3.5%牛乳打成，非常绵滑。表面仲放左粒烤过嘅棉花糖，睇得又食得。
张贴
