INN - I’m Not Nothing (已結業)

元朗鸡地一向都出名好食美食，最近经过发现一间新开嘅餐厅，装饰用咗好多绿色植物，感觉清新就入去食个lunch。我叫左一个lunch set, 随主菜有餐汤，南瓜汤好好饮，有浓厚嘅南瓜味，而且唔会好咸，饮得出唔系出面一般嘅味精汤。我见佢套餐加特饮半价，又好耐冇饮milkshake，就点左杯士多啤梨蓝莓奶昔。饮品卖相吸引，上面𠮶cream好滑，下面嘅奶昔调得好好，士多啤梨同蓝莓比例适中，而且杯野系新鲜水果打出黎，fresh得黎唔会好甜。主菜香烧焗猪肉眼配肉桂苹果酱终于到，摆碟有心思，令人食指大动。呢道菜做得好有层次，上面系新鲜芽菜仔，猪肉眼扒上面系酸酸甜甜嘅苹果蓉，而猪扒下面就系配菜粟米仔、红萝卜同青荀，最底就系薯蓉，十分丰富。猪肉眼扒焗得几好，肉汁仍然锁住，而且唔会出油，配合个烧烤汁食非常夹。值得一提系苹果蓉同猪扒一齐食出奇地好食，呢个都几惊喜。薯蓉份量好多，做得好软身，配合个汁食完已经好饱。餐厅食物质素唔错，而且环境宁静，充满植物令人放松，大家有机会都可以去充下电。